|
Wenn als Kind hesch kenne, an d’Wurschttheke stoo
No hesch e weeneli Fleisch bikoo
Doch hitte waiss ich nit, wie ich das find
Do isch s’Fleisch vom Coop, jo älter als s’Kind
D’Calmy-Rey, het welle goo
Jetz isch das Zebra, nimmi doo
In Bäärn do fäält, die wyyherndi Miss
Doch de Murrer het jo au, e Rossgebiss
Ich bi jo e modärne Maa
Und wott jetz au, e I-Phone ha
S’isch garnit aifach, wiirgglig woor
Wie bringsch das bleede, Ai in’s Oor
D’Wält duet daas Joor, unter goo
Jä das hän d’Mayas, uuse gloo
Und will’s den dätscht und richdig gracht
Hän Ziircher au scho, s’Liecht abgmacht
Wingge, wingge, wingge, wingge
Wingge, wingge, wingge, wingge
Wingge, wingge, wingge, wingge
Das duet ManU, schuurig stingge
Noo der Hochzyt vom William und de Kate
Het de Sänder e Kameramaa, uuse gheit
Är het s’Brutbaar als, uss de Auge verloore
Är isch boschdiert gsii, hinder em Charles syyne Oore
Do sait de Schaagi, zem Fritz under de Brugg
„de Tettamanti, kauft BaZ wider zrugg“
Noo maint de Fritz, in ainere rue
« No degg mii, mit der TAGESWUCHE zue »
E
Sonde undersuecht, d’Ruggsyte vom Moond
Ich waiss nit, eb sich das wiirglig loont
Jä ich ha Angscht, dass Sy deer hinde
No me drimmligi, Schwoobe finde
Flflflflflflflflflflflflflflflflflflflflflflflflflflflfl
Flflflflflflflflflflflflflflflflflflflflflflflflflflflfl
Iir miend nit maine, ich haig e schaade griegt
Das isch de Blaitegaier, wo iiber’s Baaselbiet fliegt
Noo de Geburt vom Baby Sarkozy
Het’s Lämpe geh, zimlig glyy
Heergott het, de Nicolas gfluecht
Statt s’Buschi het me, Ihn undersuecht
Ich will mi do, offiziel beschwääre
Iiber die Sex-Box, wo solle Kids Uffklääre
Mii Soon het gsait, ganz konschderniert
„iich ha nie Sex, das isch mir z’kombliziert!“
Obwohl de Hakan kai Woort, tessinerisch kaa
Legt Är s’Driggo, vo Bellinzona a
Es isch egal, wo dä aane goot
Will me Ihn, jo niene verstoot
An de Keerperwälte, het’s my verschreggt
Uf aimol het sich, so e Gstallt biweggt
Hejo, ich hät jo nie dra dänggt
Das deert in, e Spiegel hänggt
Damit de Shaqiri besser Schutte ka
Legt Är jetze d‘Lääderhoose a
Nur s’problem, wo den bestoot
Das Ihm d’Lääderhoose, bis zu de Füess aabe goot
Ich muess das no, zem beschte gee
Ich ha e wysses Männli gsee
Es isch naime gstande, styff und still
Und ich ha das gsee, mit 0 promill
Ich ha mir d’Auge gryybe, ganz bedroffe
Den uff aimoll isch’s mir, nooche gloffe
„ich lauf jetz schnäller!“ ha ich den dänggt
Doch ich ha das wysse Männli, nit abghänggt
Alle muet, ha ich den zämme gnoo
Und blyyb den aifach, muedig stoo
„Was wotsch vo mir?“ ha ich den gfluecht
„Ich bin der Papst, wo Freiburg suecht!“
|
