|
Dä Kauf vom Shakiri fir 13 Millione
wird sich fir Bayern sicher loone.
Unser mussglepäggli Teddybär,
machts aber in Münche eim ganz schwäär.
Ja der Robben sollte nicht vergessen,
dass Bären gerne Robben fressen.
D Frau Meier drüllt mit iirem Hundeli
im Gundeli e Rundeli.
Do schiesst ein vomen e Dach im Gundeli,
Ziegel uff das Hundeli.
Jetzt drillt d Frau Meier iiri Rundeli,
im gundeli ooni Hundeli.
Letscht Joor han ych e Värs gmacht vom Berlusconi,
und scho isch Italie ohni.
No ein vom Kaschber, zue syym Schaade,
isch der Baader denn au glyy go baade.
Jetz han ych hitte vom Hanspi Gass welle singe.....
.....ass dr nägschti Värs au sitzt,
wird das ryssblei nonemool gschbitzt.
Alli gääle Äntli schwimme uff em rhy,
schwimme uff em rhy.
Das in dr 60. Reihe, s zweite vo linggs isch myy.
Das Sprichwort sig schyynts nit verkehrt,
ass me bi de Ryyche spaare leert.
Wenn emool bi ryyche bisch,
merggsch ass Gitz bi dääne s geilschten isch.
Drum hett dr' Blocher dr' Dochter, wär hätt das dänggt,
uff d Wiehnacht nur en alti Zyddig gschänggt.
Myyni Schue kauf ych in Meiland yy,
und in Bordeau deert kauf ych myy Wyy.
In Dijon joo deert kauf ych Sänf,
Uhre und Schmugg kauf ych in Gänf.
Und uff em Heimwääg wells fascht nit koschtet,
han ych z Neueburg e Fuessballglübbli boschtet.
Alli gääle Äntli schwimme uff de Wälle
schwimme uff de Wälle.
Alli dien sy schnäädere nur myyns vot a fo bälle.
Vorgescht ych glaub so geege die drei,
han ych Fleisch kauft innere Coop Metzgerei.
Vor em Laade gar nit gscheit,
isch mir das Gottlett uss dr Gugge gheit.
Kuum dehei, hett my dr' Schlag fascht troffe,
das Gottlett isch ganz ellai heime gloffe.
Unsere liebe morin Guy,
will d Kasäärne uffmache geege dr' Rhy.
Ych ha's Gfüül dä gueti Ma,
will eifach emool dr Durchbligg ha.
Und möcht, wurd är d Regierig verloo,
au e Lugge hinterloo.
Das Biechli, dä Dildo und s Gäägestigg,
nei die Sexbox bräch de Goofe gar
kei Gligg.
Si sigg schuurig gruusig und
heig gar kei Zwägg,
drumm nimmt me sy mym Bueb grad wiider ewägg.
Ich find das bleed, was sell das denne,
jetz won em bi de Uffzgi hätt hälfe kenne.
Alle gelben Entchen schwimmen auf dem Rhein,
schwimmen auf dem Rhein.
Das wo am schluss tut gwünnen,
wird wohl das deutsche sein.
|
Mail an s spitzig Ryssblei :
