|
Bym Jürgen Drews sinn d Räuber gsy,
e Katastrophe!
syt däm muess är wider duss im Kornfäld schloofe!
Sie hänn em d Hütte gruumt, Alles hänn sy gno
nur syni CD’s, die hänn si ligge lo.
Wäsche, putze, glette, koche, s
Buschi baade
gschäftlig ummeseggle und no schnäll in Laade
ändlig schloofe kunnt au no die Pflicht im Bett
- Scheisse mir benyyde d‘ Winiger, - will die kei Stress me hett
Dr Philipp Hildebrand, muess ganz
pletzlig go
denn sy Frau hett Gäld uffs falsche Konto do
mir hoffe nur, dass es uns nid der Krage koschtet
au mir Vier hänn duss im Dyytsche gynschtig boschtet
Wo mir do letschti mitenand ins Bett
sinn gange
me hett jo als normali Frau emol s Verlange!
Do sait my Liebschte und schlyycht ab uff lyyse Sohle
ych muess ins Auto zerscht my Köfferli go hole
Kauft me Fleisch vom Coop, muesch di
hütt scheniere
dass s nid uffallt, duen is ganz stargg mariniere
jetz froog ich my ob ich nid s Glyyche mache ka
mit em runzlige - digge – schlaffe - Hängefudi - vo mym liebe Ma
Für e Steinhöfer, - hätte mir do e
glaine Wingg
Bisch am Ball, no gisch nid eifach numme n e Gingg
Wotsch e Pfanne schiesse, mach’s doch wie d Elyte
Schiessisch s näggscht Mol aifach uff die andri Syte
Dr Blocher sait: „Jetz isch Zyt zem
Schwyyge“….
……………………………………………………….........................
Mir wisse jetze scho, by däm wird das nie gyyge.
Es fahrt kei Tram, es goht kei Lift,
s blybt alles zue
Kei Färnseh lauft, in däre Stadt isch ändlig Rueh!
Zircher ohni Strom, - s‘isch absolut kei Hit
Wills in nüün Monet , Shit , no meh vo dääne git!!!
21.12.2012
D Maya, die hän gseit das Johr isch Wältundergang
Wältundergang, Wältundergang
denn der Countdown jo dä lauft und mir läbe nimmi lang
s isch Wältundergang, s isch Wältundergang !
Byspielswyys do wägem Paffe mache
mir uns nimm zu Affe
und mir myyde jedes Fü-mo-ar, wo goht.
Rauche digg in allne Beize und ersparen uns so z heize,
denn gämmer schnäll dr Löffel ab, wie’s uffem Päggli stoht!
Wenn d Maya hätte derfe rauche, läbte die no lang
läbte die no lang, läbte die no lang
Meh het nes au verbotte und drum fiehrt dä fiesi Zwang
zem Wältundergang, zem Wältundergang !
Spüre mir emol e Dränge und s duet
nimm uf s Pissoir länge
jo denn wird au das fir uns nimm zum Problem,
Statt uff nasse Schiene z laufe und e Slipylaag go kaufe
isch e Brunz an d Roothuusmuure immer saubequem.
Wär hett denn däne Maya s freye pinggle welle näh
es wurd se hitt no gäh, es wurd se hitt no gäh
Jede Zwang, das weiss me, fiehrt drum iber kurz oder lang
zem Wältundergang zem Wältundergang !
Hesch e Kauzgi in der Schnuure, wo
biz faad wird neymeduure
jo denn spuggsch en schnäll uffs Trottoir s isch e Gägg.
Irgendwenn kunnt ain verby und trampt garantiert au dry
und wüscht eso der ganzi Drägg ewägg, ewägg, ewägg ewägg.
Wär regt sich denn do uff iber e bitzli Littering
das isch doch gar kei Ding, und s putze goht au ring
Uffem Trottoir hebt e sone Kauzgi ewig lang
bis zem Wältundergang bis zem Wältundergang
Denn schnapp ich mir my Off-Road
Kischte
und haus schnäll no ab uf d Pischte
Drugg im Mac e Börger oder zwei in Fruscht.
Los d Verpaggig und e digge schwarze Streife aifach ligge
Und schigg e Tonne CO2 in d Luft uss luuter Luscht!
Luftverpeschtig das hänn d Mayas gar nid kennt,
sie sinn fir’s grosse Gschäft ganz schnäll in Urwald grennt.
E grosse Furz isch au d Idee vom Wältundergang
drum dängge mir nimm lang an dä Wältundergang !
|
